Refugjatët, Turqia do të kërkojë nga BE-ja pjesën tjetër prej 3 milardë eurosh

23:17 | 19 Mars 2018
Trina Galanxhi

Ankaraja do të kërkojë nga Bashkimi Europian pjesën e mbetur të fondit prej 3 miliardë dollarësh, të cilat janë të destinuara për refugjatët siriane.

Presidenti i Turqisë, Recep Tayyip Erdogan ka deklaruar se fondi do të kërkohet gjatë bisedimeve në Bullgari, që pritet të mbahen javën e ardhshme, transmeton portali arbresh.info

Turqia ka pranuar 3.5 milion refugjatë nga Siria dhe BE-ja tani duhet të paguajë rreth 3 miliardë euro si pjesë e marrëveshjes së vitit 2016, që kishte për qëllim frenimin e refugjatëve në Europë.

Megjithatë, Erdogan ka theksuar se premtimet që ka bërë BE-ja ‘nuk janë mbajtur’.

BE-ja ka deklaruar se do t’i jap Turqisë 3 miliardë euro, por sipas Erdoganit deri me tani janë pranuar vetëm “850 milionë euro”.

“Nëse doni t’i ipni ato para, bëjeni. Ky komb është krenar dhe askush nuk mund të luajë me krenarinë tonë”, tha Erdogan./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm